اسلام آباد08 دسمبر(اے پی پی) وفاقي كابينې د تېل او كاز لټون 11 منسوخ لائنسنونو بحالۍ او پاك تاجكستان راهدارۍ تجارت په لوظ نامو د لاس ليكونو منظوري وركړې او وزيراعظم محمد شهباز شريف سپارښتنه كړې چې په سېلاب ځپليو سيمو كښې د تعميرنو او بحالۍ منصوبې له زر حتمي شكل وركړې شي۔د وفاقي كابينې غونډه د زيارت په ورځ د وزيراعظم محمد شهباز شريف په مشرۍ كښې وشوه۔وفاقي كابينې د پیټروليم ډويژن په سفارش 11 منسوخ شوې پیټروليم ايكسپلورېشن لائسنسونو بحالۍ منظوري وركړې٬د دې اقدام په نتيجه كښې به په دغه 11 بلاكس كښې د تېل او ګاز لټون هلې ځلې پېل شي۔په غونډه كښې د منصوبه بندۍ وزارت د اړخه په پاكستان كښې د 2022 سېلاب په تناظر كښې د آفت نه پس د حاجتونو اندازې رپورټ وړاندې كړی شو۔پي ډي اېن اے د منصوبه بندۍ وزارت د ورلډ بانك٬آسيائي پرمختيائي بانك٬اروپائي ائتلاف٬ملګري ملتونو٬ټول صوبائي حكومتتونو٬د ګلګت بلتستان حكومت٬د آزاد كشمير حكومت٬سول سوسائټۍ٬اكېډميه او اېن جي اوز سره په ګډه ترتيب وركړی۔د دې اسسمنټ له مخې 94 ضلعو كښې د سېلاب له امله شوي زيانونو او په خاص توګه د معيشت په 17 لويو څانګو پشمول صحت٬كركيلې٬صنعت٬انفراسټركچر٬مواصلات ته د رسېدلې زيانونو جاج واخستلې شو۔په غونډه كښې د سېلاب له امله د شوي زيانونو په اندازه بحث وشو۔غونډې ته ووئيل چې د رپورټ له مخې د سېلاب له امله تر ټولو لوي زيان سندھ صوبې ته شوې او د سېلاب له امله په ټول هېواد كښې د كركيلې څانګه زياته ځپلې شوې۔غونډې ته ووئيل شو چې د پي ډي اېن اے په مرسته د مينځنۍ مودې او اوږدې مودې منصوبه بندي كولو كښې به مرسته ترلاسه شي دغسې چې د سېلاب ځپليو سيمو بيا د سره تعمير نو وكړې شي۔كابينې ته ووئيل شو چې پي ډي اېن اے په تناظر كښې Resilient, Recovery Renovation and Rehablitation Plan ترتيب وركړې كېږي او په دې لړ كښې د ټولو اړوند وزارتونو٬ډويژنونو او صوبائي حكومتونو سره مشاورت كېږي۔وزيراعظم پي ډي اېن اے له په ترتيب وركولو د منصوبه بندۍ وزارت كاركردګي وستائېله او د پلان زر تر زره بشپړولو سپارښتنه يې هم وكړه۔وزيراعظم سپارښتنه وكړه چې په دې لړ كښې د ټولو صوبو او نور سټيك هولډرز رائے ضرور واخستلې شي۔وفاقي كابينې د تجارت٬وفاقي وزارت په سفارش د پاكستان او تاجكستان ترمينځه ټرانزټ ټرېډ په لوظ نامه د لاس ليك منظوري وركړه۔په دې لوظ نامه د تاجكستان صدر متوقع پاكستان دورې په مهال د لاس ليك امكان دې۔وفاقي كابينې د اي سي سي د 29 نومبر 2022 او 2 دسمبر 2022 په غونډو كښې د شوې پريكړو توثيق وكړو۔وفاقي كابينې د كېبنټ ډسپوزل آف ليجسليټو كيسز كمېټۍ د يكم دسمبر 2022 په غونډه كښې د شوې پريكړو هم توثيق وكړو
وفاقي كابينې د تېل او كاز لټون 11 منسوخ لائنسنونو بحالۍ او پاك تاجكستان راهدارۍ تجارت په لوظ نامو د لاس ليكونو منظوري وركړه
مضمون کا ماخذ : لاٹری ٹکٹ کے فوائد
متعلقہ مضامین
.jpg)
