اسلام آباد۔9مئی(اے پی پی) وزیراعظم شهباز شریف مورني هېواد لپاره د شهيدانو قربانيو ته د عقيدت پېرزوئنې وړاندې كولو سره وئيلي دي هېواد سره دښمني او بغاوت كوؤنكي سزا څخه بچ كېدے نه شي٬ د پاكستان اتلانو تل د دښمن نېغ په نېغه ځواب وركړے٬ د 9 مئي د شهيدانو د وارثانو زړونه آزار شوي ٬ د قام او پوځ تقسيمولو منظمه منصوبه بندي شوې٬ داسې به بيا كله هم نه كيږي۔ د دې خيالاتو څرګندونه ده د زيارت په ورځ د اطلاعات وزارت تر سېوري لاندې د شهيدانو او د هغوي كورنيو سره د يووالي څرګندونې دستورې ته خپل خطاب كښې وكړه۔ وزيراعظم ووئيل ما لپاره دا د درناوي خبره ده چې زه نن د شهيدانو وارثانو سره ولاړ يم٬ شهيدانو په مړانه د ګران هېواد او اولس حفاظت له د خپلو ځانونو قربانۍ وركړي ٬ هغوي خپل كوچنيان يتيمان كړل خو د لكھونو په شمېر كوچنيان ئې د يتيم كېدو څخه وساتل٬ ستاسو عظمت ته ټول قام سلام كوي۔ ستاسو د مړانې تاريخ به تل ياد ساتلے شي۔ ده ووئيل د مېجر منېب افضل شهيد پلار د خپل زوي ، مسز کرنل عابد شهید په كوئټه كښې د خپل خاوند ٬ مسز میجر اکبر اعوان او نورو د خپلو شهيدانو د مړانې او كردار تاريخ بيان كړو چې هغوي په څومره جرات د دښمن مقابله وكړه۔ ده ووئيل شهيدان د قام اتلان دي٬ هغوي د خپلې وينې د لارې د هېواد حفاظت وكړو٬ ټول قام نن خپل شهيدان او غازيان په داسې ټكو يادوي كوم كه په زرينو ټكو هم وليكلے شي نو د هغوي تاريخ بيانېدې نه شي۔ ده ووئيل په كال 2019ء كښې يو وارې بيا دښمن په پټه د بريد كولو هڅه وكړه خو د پاكستان اتلانو هغوي ته هغه ځواب وركړو چې سباؤن كښې به بيا داسې حركت نه كوي۔ ده ووئيل په پاكستان كښې كه د جنګ ٬ امن ٬ سېلاب يا بلې كومې ستونزې حال وي نو هم دا شهيدان او غازيان د هېواد حفاظت لپاره ټر ټولو وړاندې وي۔ دا د مړانې او جرات داستانونه دي۔ شهباز شريف ووئيل كه د شهيدانو د وارثانو زړونه آزارولو هڅه وكړې شي ٬ د شهيدانو د قبرونو سپكاوې وكړے شي او د هغو ادارو تذليل وكړے شي كوم چې د پاكستان د سلامتيا علامت دي نو 25 كروړه اولس دا زغملې نه شي۔ ده ووئيل د مئي په 9 مه نېټه رامخې ته شوې پېښه كښې چې كوم كسان كوم كردار نه لري هغوي ته هېڅ هم نه وئيلې كېږي۔ ده ووئيل په 9 مئی 2023ء د ریاست په ضد بغاوت وكړے شو٬ د پاك پوځ د تقسيمولو ناوړه حركت وكړے شو٬ د بغاوت چاپېريال رامخې ته كولو هڅه وكړې شوه ٬ منظمه منصوبه سازي وكړې شوه٬ ذمه وار به په هر صورت قانون سره مخ كولې شي او ورته به د قانون له مخې سزا وركولې شي دغسې چې په سباؤن كښی څوك د داسې كولو سوچ هم ونه كړے شي۔ ده ووئيل د شهيدانو وارثان دې باور لري چې د 9 مئي په پېښه كښې د ككړو كردارونو په ضد به د قانون له مخې پرېكړې كيږي۔ هېواد سره دښمني كوؤنكي به بچ نه شي۔ ده ووئيل سترو شهيدانو ته سلام كوم۔ د پاك پوځ د شهيدانو وارثانو له د خېر ښېګړې او زده كړو نظام مثالي دے ٬ داسې انتظام بايد په نورو ادارو كښې هم وكړے شي۔ ده ووئيل مونږ د شهيدانو د وارثانو په غم كښې يو برابر شريك يؤ او نن دا لوظ كوؤ چې د مئي په 9ي مه نېټه ستاسو زړونو ته كوم دړد رسېدلے دغسې به بيا نه كيږي٬ داسې بله ورځ به د هېواد په تاريخ كښې كله هم رانه شي۔ ده ووئېل بريد كوؤنكو او د دوئي مشرانو تر دې دمه رياست ٬ قام او د شهيدانو وارثانو څخه معافي نه ده غوښتې ٬ دا ثبوت او ګواهي ده چې دا سياسي عمل نه بلكې د بغاوت منظمه منصوبه وه۔ ده ووئيل لوظ كوم چې د پاك پوځ د شهيدانو د وارثانو خوشحالۍ ٬ د هغوي د ماشونو درملنو او زده كړو له په غوره اقداماتو كښې به حكومت هر ډول برخه اخلي ٬ قانون او انصاف به خپله لاره پخپله جوړوي۔ ده ووئيل د شهيدانو د وارثانو د سترو قربانيو ستائنې له ټكي كم دي ٬ دستوره كښې ګډون كوؤنكي دې په اودرېدو شهيدو شوو او د هغوي وارثانو ته د عقيدت پېرزوئنې وړاندې كړې۔ د دستورې په مهال خپلو خبرو كښې د شهيدانو وارثانو د 9 مئي ذمه وار قانون ته د مخامخ كولو غوښتنه وكړه۔ په دستوره كښې وفاقي وزيرانو ٬ اعلی پوځي افسرانو ٬ ريټائرډ سول او پوځي افسرانو او د شهيدانو خپلوانو ګډون وكړو۔ په دې موقع شهيدانو ته د عقيدت پېرزوئنې وړاندې كولو له يوه نغمه هم جاري كړې شوه ۔
هيواد سره دښمني او بغاوت كوؤنكي سزا څخه بچ كيدے نه شي٬ په 9 مئي د شهيدانو د وارثانو زړونه آزار شوي ٬ د قام او پوځ تقسيمولو منظمه منصوبه بندي شوې٬ داسې به بيا كله هم نه كيږي ٬ د وزيراعظم شهباز شريف دستورې ته خطاب
مضمون کا ماخذ : números sorteados lotomania
متعلقہ مضامین
.jpg)
