اسلام آباد۔7جون (اے پی پی):وزیر مملکت اطلاعات و نشریات فرخ حبیب گھوٹکی ریل ڳا??ی دے حادثے تے افسوس تے ݙکھ دا اظہار کریندے ہوئیں ??کھیے جو حادثے اچ زخمی تھیوݨ آلے لوکاں کوں علاج معالجے دیاں بہترین سہولتاں ݙتیاں ویسن ، حالی ریل ڳاݙیاں دے تصادم دی کوئی وجہ نی ݙسائی ونڄ سڳدی ت??ں جو حادثے دی تحقیقات دا حکم ݙے ݙتا ڳئے تے واقعے دے ذمے واراں دا تعین کرتے انہاں کوں سزا ݙتی ویسی ۔ سنوار کوں نجی ٹی وی چینل نال ڳالھ مہاڑ کریندے ہوئیں ??نہاں آکھیے جو گھوٹکی ریل ڳا??ی دے حادثے دی خبر سݨ تے میکوں ٻہوں ݙکھ لڳے تے میں ݙکھے ویلھے تاثرین دے ٹبراں نال تعزیت دا اظہار کرینداں ۔ فرخ حبیب آکھیے جو زخمیاں کوں نیڑے ہسپتالاں اچ منتقل کر ݙتا ڳئے جتھاں انہاں کوں بہترین طبی سہولتاں ݙتیاں ویندیاں پئن ۔ انہاں آکھیے جو پاک آرمی دے نینگراں دی مدد نال بوگھیاں اچ پتھے مسافراں کوں کڈھ ڳھدا ڳئے جݙ??ں جو ہݨ ٹ??یک دی بحالی کتیے آپریشن جاری اے ۔وزیر مملکت آکھیے جو ناقص ریلوے ٹریکس حادثے دا اصل سبب ہن تے مزید حادثات توں بچݨ کیتے انہاں کوں وختی ٹھیک کرݨ دی لوڑھ اے ۔حکومت ریلوے ٹریکس دی وختی مرمت سودھے ایم ایل ون پروجیکٹ دے حوالے نال جامع اقدامات کریسی ت??ں جو مستقبل اچ ایجھے حادثات ول نہ تھیون۔
گھوٹکی ریل ڳاݙی دے حادثے دے ذمے واراں دا تعین کرتے انہاں کوں سزا ݙتی ویسی ،وزیر مملکت اطلاعات و نشریات فرخ حبیب
مضمون کا ماخذ : جنگل کا بادشاہ
متعلقہ مضامین
