اسلام آباد۔28اکتوبر(اے پی پی) سپر??م کورٹ آف پاکستان اچ چیف جسٹس ، جسٹس یحییٰ آفریدی دی صدارت اچ فل کورٹ میٹنگ منعقد تھئی جیں اچ سارے جج صاحبان شرکت کیتی جݙاں جو جسٹس منصور علی شاہ ویڈیو لنک دے ذریعے اجلاس اچ شریک تھئن ۔سپر??م کورٹ دے شعبہ تعلقات عامہ توں جاری پریس ریلیز موجب اے اجلاس سپر??م کورٹ دی کارکردگی دا جائزہ گھنݨ تے مقدمیں کوں نبیڑݨ س??نڳ?? سݙیا ڳیا ہئی ۔اجلاس اچ کیسز دے بیک لاگ کوں گھٹ کرݨ تے عدالتی کارکردگی ودھاوݨ دے اقدامات تے توجہ ݙتی ڳئی ۔ رجسٹرار سپر??م کورٹ کیس لوڈ دا ھک جائزہ ݙتا تے مقدمیں دے وختی فیصلے دے پاسے اقداما?? دا جائزہ پیش کیتا ۔ انھاں تازہ ترین اعدادوشمار پیش کیتے۔ جنھاں توں ظاہر تھیندے جو ایں ویلھے59,191 مقدمے زیر التواء ہن تے جسٹس منصور علی شاہ دے تیار کیتے ڳئے مینجمنٹ پلان 2023 تے مبنی ھک مہینے دا نواں منصوبہ متعارف کرائے۔ ایں منصوبے اچ واضح معیارا?? دا تعین کرݨ،مختلف النوع مقدمیں کوں موثر طریقے نال منظم کرݨ س??نڳ?? انفارمیشن ٹیکنالوجی دا استعمال شامل اے۔کیس مینجمنٹ پلان دا جائزہ گھندے ہوئیں جج صاحبان پلان دے اہداف کوں حاصل کرݨ س??نڳ??ٻہوں حکمت عملیاں تے ڳالھ مہاڑ کیتی۔ماہانہ پلان موجب فوجداری اتے دیوانی مقدمے خصوصی ݙو تے ترائے رکنی بنچز کوں مختص کیتے ڳئے ہن تاں جو کیس دے وختی توں وختی حل کوں یقینی بݨایا ونڄ سڳے۔ ایں موقع تے جج صاحبان نظام دی مزید بہتری س??نڳ?? آپݨی آراء اتے سفارشات پیش کیتن۔ جسٹس سید منصور علی شاہ ویڈیو لنک دے ذریعے شرکت کریندے اضافی تجویزاں پیش کیتن جنہاں دا مقصد کیس دے بیک لاگ کوں گھٹ کرݨ تے ابتدائی طورتے ھک مہینے س??نڳ?? طریقہ کار دی کارکردگی کوں چنڳاں بݨاوݨ اے اتے ایندے بعد ترائے تے چھی مہینے دے منصوبے شامل ہن ۔ چیف جسٹس جسٹس یحییٰ آفریدی سارے ججاں دا شکریہ ادا کیتے تے آکھیے او کیس مینجمنٹ پلان دے مکمل نفاذ نال مقررہ اہداف دے حصول س??نڳ?? پرعزم ہن ۔ 2 دسمبر 2024 کوں طے شدہ فل کورٹ میٹنگ دے اگلے سیشن اچ پیشرف?? دا جائزہ ڳھدا ویسی۔
