اسلام آباد 17جنوری(اے پی پی) نړۍ د افغان اولس د خوراك ضروريات نظرانداز كولې نه شي٬ بايد د بشري بحران او معاشي تباهۍ څخه بچ كېدو لپاره دې د طالبان قيادت سره رابطه زياته كړې شي ٬افغانستان ته رامخې ته د غذائي تحفظ بحران صورتحال كښې په امريكا كښې د تحقيقي ادارې بروكنګز په نړيوالې ورورولۍ زور راوړے چې رسمي زرعي تعليم زيات كړي٬د نيمې نه زياته افغان آبادي نښتو٬ د كووېډ 19 او سخت خشك سالۍ په سبب لوږې سره مخ ده ٬ د بروكنګز شائع شوے ننګيالي اتل آرټيكل له مخې د كركيلې پېداوار د افغانستان مجموعي قامي پېداوار 23 فيصد دے٬ د پالېسي سازو تر مينځه د افغانستان څخه د غربت په خاتمه او د روزګار موقعې پېدا كولو په اړه بحث مباحثه روانه ده٬د مېرمنو او د انجونو په مهارتونو سرمايه كاري٬خوراك او معاشي تحفظ لپاره ضروري ده۔په آرټيكل كښې وئېلي شوي د زرعي څانګې پرمختګ سره تر 2024 معاشي خوشحالي 7.5 فيصد زياتېدې شي٬دا رپورټ د 300 نه زياتو مېرمنو ٬ د زرعي څانكې طالبات٬استاذانو سره سره د ټېكنيكل اينډ ووكېشنل ايجوكېشن اينډ ټريننګ ډائرېكټرز او پوهانو سره په مباحثو او مركو مرتب شوے ۔په رپورټ كښې وئېلې شوي په افغانستان كښې خوراك او د اقتصادي تحفظ زياتېدونكو مسئلو ترمخه نړۍ افغان اولس په خاص توګه مېرمنې او د انجونو غذائي ضروريات نظرانداز كولې نشي٬د پاكستان هم د نړۍ نه غوښتنه ده چې هغوي افغانستان نظرانداز نه كړي بلكې د انساني بحران او معاشي تباهۍ څخه بچ كېدو لپاره د طالبانو قيادت سره روابط زيات كړي۔افغانستان سره د نړۍ رابطه نه ساتل او د هغوي اثاثې منجمد كولو څخه افغانان د غربت ٬ لوږې او د صحت مسائلو پشمول ناوړه معيشت سره مخ دي۔راپور كښې وئېلې شوي د مېرمنو او انجونو په مهارتونو سرمايه كاري٬افغانستان كښې خوراك او معاشي تحفظ لپاره ضروري ده٬د دې نه ځانله تر څلورو لسيزو جنګ٬د يخ موسم٬ د كووېډ 19 او د تېرو حكومتونو سره تعلق لرونكو طبي كارمندانو په لويه پېمانه اخراج هم په افغانستان كښې د انساني بحران عوامل دي۔د افغانستان زياتره معيشت په امداد اډانه لري چرته چې پخوانو حكومتونو هم د 75 فيصد نه زياتو اولسي خرڅونو لپاره د ګرانټ په فنډنګ انحصار لرلے۔د يوې اندازې ترمخه 40 ملين افغانانو كښې نيمو ته د بشري مرستې ضرورت دے۔د رپورټ ترمخه نزدې 8.7 ملين خلك اوږد مهاله او په مستقلو بنيادونو مرستې ته اړتيا لري۔ملګرو ملتونو خبردارے وركړے كه د افغانستان سياسي او معاشي بحران ته زر تر زره پام لرنه ونه شوه نو د افغانستان نزدې 97 فيصد وداني د غربت د كرښې نه لاندې تللې شي٬پاكستان د افغان حكومت سره خبرې كړي او د افغان اولس مرستې لپاره افغانستان بين الاوزارتي رابطه كمېټي جوړه كړې شوې ٬وزيراعظم عمران خان افغانستان لپاره د 5 اربه روپو د د انساني مرستې منظوري وركړې۔وزيراعظم د جنګ ځپلي هېواد لپاره د خاص آسانيو ترمخه د پاكستان د لارې د هند اعلان كړو غنمو ټرانسپورټېشن له هم اجازه وركړې او پاك افغان كوآپرېشن فورم هم جوړ كړے شوے كوم چې د افغانستان مرستې لپاره په فعاله توكه كار كوي۔پاكستان د پولې پورې د څيزونو رسولو كښې آسانيو لپاره پاك افغان پولې سره پنځه تجارتي سټېشن پهم رانستې چې پكښې طورخم٬چمن٬ خرلاچي٬غلام خان او انګور اډه شامل ده ۔پي اے سي اېف كابل او خوست كښې د سترګو وړيا كېمپونه لګولي چرته چې پاكستانو ډاكټرانو 530 د سترګو د ګلونو لرې كولو آپرېشن كړي او 8120 رنځوران يې وړيا معائنه كري۔پاكستان د 19 ستمبر 2021 څخه تر 16 جنورۍ 2022 د ا فغان اولس لپاره د 4 سي 130 الوتكو او د 315 ټركونو د لارې مرسته كړې۔په مجموعي توګه 5605 ټن مرسته ورسولې شوې چې پكښې خوراك٬داروګان او نور ضروري څيزونه شامل دي۔وزيراعظم پاكستان ته راتلونكو افغانانو لپاره د وړيا كووېډ 19 ويكسينېشن آسانۍ دوامداره ساتلو سپارښتنه هم كړې۔ دغسې افغان رنځورانو ته د مېډيكل ويزې آسانې وركړې شوې او د پاكستان چارواكو په پوله راوړېدلو لپاره د ګيټ پاس شرط ختم كړے۔دغسې د پیدل تلونكو راتلونكو لپاره به د 8 ساعته په ځاې 12 ساعته پرانستې وي۔حكومت ډېر زر افغانانو له زر تر زره د 50 كروړه روپو داروګانو ورسولو هم اعلان كړے دغسې شخصي فارما انډسټرۍ هم د څلور كروړه روپو داروګانو اضافي مرسته اعلان كړې۔علامه اقبال اوپن يونيورسټۍ په افغانستان كښې د تعليم ودې له د استاذانو د تربيې او د افغان انفراسټركچر بيا تعمير له په افغانستان كښې د خپل كېپمس پرانستلو اعلان كړے ٬ دې نه ځانله پاكستان د افغان زده كوونكو لپاره د 63 ملين ډالرو 3000 سكالرشپس او د 5000 روپو د مياشتنۍ وظيفې منظوري وركړې او د يونيورسټي آف انجينئرنګ اينډ ټېكنالوجي پېښور افغان زده كوونكو لپاره يو كېمپس وقف كړے دغسې د لاهور انجېنېرنګ پوهنتون مرسته د دې نه ځانله ده
نړۍ د افغان اولس د خوراك ضروريات نظرانداز كولې نه شي٬د بشري بحران او معاشي تباهۍ څخه بچ كېدو لپاره دې د طالبان قيادت سره رابطه زياته كړي۔د امريكې تحقيقي ادارې بروكنګز رپورټ
مضمون کا ماخذ : شمال کے ڈریگن
متعلقہ مضامین
.jpg)
