اسلام آباد 09 اګست (اے پي پي) نائب وزيراعظم او خارجه وزير سينيټر محمد اسحاق ډار وئيلي دي د پاكستان پرمختيائي اېجنډا مخ په وړاندې بوتللو لپاره به په ګډه كار كول وي، د روايتي سفارتکارۍ څخه به اقتصادي سفارت کارۍ پلو تلل وي٬ فارن سروس اکيډيمي د جديدو تقاضو سره همكاره كولو لپاره سهوليات اپ ګريډ كوٶ٬ سفارت کار بايد د پاکستانيانو خدمت لپاره هر وخت موجود وي۔ ده دا خبره د جمعې په ورځ فارن سروس اکيډمي كښې د ډپلوميټك کورس بشپړٶنكو ګريجويټس ته خَپلې وېنا كښې ووئيل غېر روايتي سکيورټي چيلنجز نړيواله سلامتيا غېر باوري كړې ٬ په سفارتي خدمات كښې شاملېدو سره به خپلې ذمه وارۍ ترسره كول وي ۔ محمد اسحاق ډار ووئيل د بلاك سياست به نړيوال سياست، معيشت او بين الرياستي اړيكې متاثره كړي،نائب وزيراعظم ووئيل سفارت کار د بحرانونو د مخنيوي په مشن كښې ځواب وركونكے وړومبے شخصيت وي، ځوانانو سفارت کارو له قام لپاره خپله وظيفه تل ياد ساتل پكار وي۔ نائب وزيراعظم سينيټر اسحاق ډار ووئيل ځوانان سفارت کار د پاکستان روښانه سباٶن جوړولو كښې مرسته كولې شي، ده په سفارت کارو زور رواړو چې د هېواد د نمائنده په حېث د پاكستانيانو د خېرښګړې خيال ساتل ستاسو وړومبے فرض دے٬ سفارت کار بايد د نړيوال قانون او سياست سره سره د اقتصادي سفارت کارۍ ماهر هم وي۔ سينيټر محمد اسحاق ډار ووئيل نړيوال بدلون د پاکستان په نړيوالو اړيكو او خارجه پاليسۍ نيغ په نېغه اثر انداز كېږي۔ ده ووئيل فارن سروس اکيډمي داسې نوميالي سفارت کار پيدا كړي چا چې د پاكستان نمائندګي په لوي اعزاز سره كړې ، فارن سروس اکيډمي تر اوسه د 1500 نه زياتو غېر ملکي سفارت کارو ته تربيه وركړې ۔ نائب وزيراعظم په دې خبره زور راوړو چې ځوانانو سفارت کارو ته دې د تجارت او سرمايه كارۍ پشمول نوره ضروري پوهه هم وركړې شي۔ ده ووئيل سافټ پاور د روايتي جنګ ځاے نيولے او اوس د بيانيه او ناسمه معلوماتو جنګ روان دے، د ګردې نړۍ معاشرې فشار سره مخ دي او د طاقت مقابلې د بلاك سياست د بېا راګرځولو اندېښنه زياته كړې۔
د روايتي سفارتکارۍ څخه به اقتصادي سفارت کارۍ پلو تلل وي۔ د نائب وزيراعظم او خارجه خارجه وزير سينيټر محمد اسحاق ډار فارن سروس اکيډمي كښې وېنا
مضمون کا ماخذ : como apostar na mega sena
متعلقہ مضامین
