اسلام آباد 17 نومبر ﴿اے پي پي﴾ د منصوبه بندې، پرمختګ او اصلاحات وفاقي وزير اسد عمر وئيلي دي د حكومت د تېرو دوو كالو پرله پسې كاميابو پالېسېو په نتيجه كښې معاشي اشارئې بهترې پلو روانې دي، د سختو پرېكړو ښې نتيجې راوځي، وزيراعظم عمران خان د ټولو قومي ادارو په مرسته هېواد مخ په وړاندې بوځي، په وړومبي ځل وفاقي حكومت د كراچې پرمختګ لپاره د مېګا پروجېكټس ذمه واري په خپله پورته كړي او د كے فور پشمول په پنځو لويو پروژو كار كوي، د ګلګت بلتستان اولس په ټاكنو كښې د اپوزيشن بيانيه مسترد كړې او پاكستان تحريك انصاف ئې په اكثريت سره كامياب كړے. د كورونا وائرس د دوئمې چپې په وجه په يو شمېر هېوادونو كښې لاك ډاٶن شوے، د واكسينو په راتللو كښې به وخت لګي، بايد اولس احتياطي تدابير عملي كړي. ده دا خبرې د نهې په ورځ د نجي ټي وي چېنل پروګرام كښې وكړې. وفاقي وزير ووئيل د سندھ حكومت د ناقصه كاركردګۍ له امله د كے فور پروژه تاخير سره مخ شوې خو اوس وفاقي حكومت د كے فور د پروژې پوره ذمه واري پغاړه اخستې، په دې لړ كښې د واپډا چيئرمېن په كراچې كښې يو غونډه هم كړې او په دې وخت كښې د پرېكړې كولو عمل روان دے. وفاقي وزير ووئيل د ګرين لائن پروژې تعميراتي كار تر كافي حده ترسره شوے. د راتلونكي كال د جولائي نه تر ستمبر به د ګرين لائن بسونه په سړكونو وي. ده ووئيل په كراچې كښې د خزلې پورته كولو او د نالو د پاكولو ذمه واري د سندھ حكومت او د ضلعي حكومت وه خو له بده مرغه دې ته پام ونه كړے شو. ده ووئيل د كراچې وګړي به د رېل جديد نظام ترلاسه كړي، دا پروژه به په درېو كلونو كښې بشپړه شي
د حكومت پرله پسې كاميابو پالېسېو په نتيجه كښې معاشي اشارئې بهتر پلو روانې دي، د سختو پرېكړو ښې نتيجې راوځي. د منصوبه بندې وفاقي وزير اسد عمر
مضمون کا ماخذ : کمپیوٹر لاٹری انعامات
متعلقہ مضامین
