اسلام آباد 09 دسمبر(اے پي پي) د نېشنل کمانډ اېندآپرېشن سنټر (اېن سي او سي) مشر د منصوبه بندۍ او پرمختګ وفاقي وزير اسد عمر وئيلي دي د جمهوري نظام مطلب دا نه دے چې سياسي مشران داسې پرېكړې وكړي چې د اولس ژوند او روزګار خطر سره مخ شي، د کرونا وائرس دوېمه چپه د وړٶمبۍ چپې په مقابل كښې زياته خطرناكه ده، كه اولس احتياطي تدبيرونه خپل نه كړل نو شايد اوونۍ پس اندېښنه ده چې نور بندېزونه ولګوٶ، په روغتونونو كښې د كرونا د رنځورانو شمېره په تندۍ سره زياتېږي او مرګونه هم زياتېږي۔ د دې خيالاتو څرګندونه ده د شورو په ورځ د اېن سي او غونډې نه پس ميډيا ته د بريفنګ په مهال كړې۔ وفاقي وزير ووئيل د خپل ځان په خاطر٬ د خپلې كورنۍ او عزيزانو په خاطر په اېس او پيز عمل وكړې ٬ د کرونا په وړومبۍ چپه كښې نړۍ د پاكستان لائحه ستائېلې ده ٬ مونږ له به د سباٶن تر مخه لائحه خپلول وي٬ په دوو مياشتو كښېد كرونا د مثبت كېسونو او مرګونو شمېره 4 چنده زياته شوې۔ اسد عمر ووئيل په دې ورځو كښې د كرونا څخه اوسطاً 60 كسان مري او د كرونا په اېس او پيز د وړآندې غوندې عمل نه كېږي، د ريسټورنټس او مېرج هالز كښې په ډوډۍ د بنديز لګولو پرېكړه ګرانه وه٬ بنديزونو سره د تعليمي ادارو نظام او روزګار ځپلے شوے٬ كوم سيکټرز چې بند كړے شوي د ھغې ريليف لپاره به زر كار كوٶ۔ده ووئېل په اېس او پيز د عملدرآمد يو ډول پېغام نه وركړے كېږي، پاکستان كښې د سلګونو په شمېر طبي عمله د كرونا څخه متاثره شوې ٬ د جمهوريت نظام د اولس پرمختګ او سوكالۍ لپاره وي٬ جمهوري نظام دې لپاره نه وي چې د اولس ژوند خطر كښې واچولے شي۔ده ووئېل كله چې لارښود دا وائي چې جلسې سره د وباء هيڅ تعلق نشته نو په دې زيان كېږي٬ د اولس د ژوند حفاظت لپاره حكومت سختې پرېكړې كړي۔ ده ووئيل د اولسي اجتماعاتو په بنديز عملدرآمد نه كېږي، د وړومبۍ چپې په مقابل كښې د كرونا دوېمې چپې په مهال هغسې پېغام نه وركړے كېږي۔ ده ووئيل په 12 اكتوبر د كرونا كېسونه دوه فيصده وٶ خو اوس دا شرح څلور فيصده ته راغلې۔
د کرونا وائرس دوېمه چپه د وړٶمبۍ چپې په مقابل كښې زياته خطرناكه ده، د جمهوري نظام مطلب دا نه دے چې سياسي مشران داسې پرېكړې وكړي چې د اولس ژوند او روزګار خطر سره مخ شي۔ وفاقي وزير اسدعمر
مضمون کا ماخذ : کمپیوٹرائزڈ لاٹری
متعلقہ مضامین
