اسلام آباد 09 ستمبر (اے پي پي) وزيراعظم محمد شهباز شريف سره د ملګرو ملتونو سېكرټري جنرل انتونيو ګوتيرس د جمعې په ورځ ملاقات كړے۔په ملاقات كښې د وفاقي كابينې غړي هم موجود وو۔په دې موقع وزيراعظم سېكرټري جنرل ته ووئيل پاكستان د عامو حالاتو په تناسب سره د زيات سېلاب سره مخ دے۔ده حكومت لخوا د ملګرو ملتونو ادارو٬نړيوالې ورورولۍ او بشري همدردۍ تنظيمونو سره په ګډه په ټول هېواد كښې د 3 كروړه 30 لكه څخه زياتو ځپليو ته رسېدو لپاره په پراخه پیمانه د شوې مرستې كاروائيو خاكه وړاندې كړه۔وزيراعظم ووئيل د سېكرټري جنرل ګوتريس د پاكستان دوره په دې نازك وخت كښې د پاكستان اولس سره د يووالي عكاس ده ۔وزيراعظم د پاكستان فلډ رسپانس پلان فنډنګ لپاره د ملګرو ملتونو 160 ملين ډالرز “فليش اپيل”پشمول نړيواله مرسته متحرك كولو لپاره د سېكرټري جنرل مرسته او وكالت وستائېلو۔ده د سېكرټري جنرل لخوا سېلاب د موسمياتي بدلون اثرات سره د تعلق رامخې ته كولو پیغام هم وستائېلو۔وزيراعظم ووئيل د سېكرټري جنرل مشرۍ او په وخت مداخلت د سېلاب څخه د راپیدا شوو سنګينو چېلنجونو څخه په نړيواله كچه خبرتيا له مرسته تر لاسه شوې۔وزيراعظم باور وركړو چې د كاربن د يو فيصد څخه هم په لږ اخراج پاكستان نړيوال حدت لكښې تر ټولو كم ذمه وارو هېوادونو كښې شامل دے ٬د دې باوجود دا د موسمياتي بدلون تر ټولو زياتو ځپليو شوو 10 هېوادونو كښې يو دے۔دواړو مشرانو د سېلاب ځپلي آبادۍ بحالۍ په پړاؤ او سېلاب له امله تباه شوو سيمو بيا رغونې لپاره د پاكستان په پروژو هم د خيالاتو څرګندونه وكړه۔وزيراعظم د ملګرو ملتونو نظام او د نورو نړيوالو شراكتدارو د مناسبه مرستې سره د موافقت او تخفيف د بېلو پروژو پشمول په سباؤن كښې د موسمياتي خطرو په ضد د لچك پېدا كولو د پاكستان عزم ولوستلو۔پاكسان سره د خپل پخواني تړون يادګېرنه كولو سره سېكرټري جنرل د پاكستان اولس لپاره د خپلې خوا د بې پناه جذباتو څرګندونه او ستائنه كولو سره ووئيل د پاكستان اولس د سخاوت سره سره د خپلو وطن والو سره د مرستې كولو او تر څو لسيزو د لاكهونو افغان كډوالو پد كوربتوب كولو زه ګواه يم۔ده ووئيل د سېلاب په لويه پېمانه په تباهۍ او د دې اثراتو څخه پرېشان يم۔ده د نړيوالې مرستې متحرك كولو پشمول پاكستان ته د بشپړ ملاتړ او عزم باور وركړو۔سېكرټري جنرل په دې خبره زور راوړو چې دا مرسته محض يووالے نه بلكه انصاف دے۔ده ووئيل د بحالۍ او بيا رغونې لپاره په لويه پېمانه د مرستې نه علاوه٬د موسمياتي بدلون مسئلې زر٬سنجيدګۍ او ذمه وارۍ سره د حل كولو ضرورت دے د كومو چې هغوي مستحق دي۔سېكرټري جنرل ګورتيس په هېواد كښې د سختو بارانونو او سېلاب په تناظر كښې يووالي لپاره د پاكستان په دوه ورځنۍ دوره راغلے۔وزيراعظم او سېكرټري جنرل د دې نه پس نېشنل فلډ رسپانس اينډ كوآرډينېشن سېنټر كښې په بريفنګ كښې ګډون وكړو۔سېكرټري جنرل به د خپلې دورې په مهال د سېلاب څخه تر ټولو زياتو ځپليو سيمو دوره هم كوي
وزيراعظم محمد شهباز شريف سره د ملګرو ملتونو سېكرټري جنرل انتونيو ګوتيرس ملاقات
مضمون کا ماخذ : سندھ لاٹری
متعلقہ مضامین
