اسلام آباد۔30نومبر (اے پی پی) د بین المذاهب همغږۍ لپاره د وزیراعظم خاص استازی او د پاکستان علماء کونسل چیئرمېن حافظ محمد طاهر محمود اشرفی وئيلي دي پاکستان به د اسلامي نړۍ د ستونزو په هواري کښې خپل رول ته دوام ورکړي، د افغان مسئلې په اړه د او آی سي د بهرنیو چارو وزیرانو د ځانګړې غونډې هرکلی کوؤ٬ د فلسطین وضعیت د اندېښنې وړ دې او نړۍ او اسلامي نړۍ باید د اسرائیلو د ناوړه ارادو مخنیوي لپاره سمدستي اقدام وکړي. هغه دا خبره په یوه بیان کې وکړه۔ هغه ووئيل پاکستان د اسلامي نړۍ يو ستر طاقت دې او د اسلامي نړۍ په مسئلو غلي نۀ شي پاتې کېدى، پاکستان اتحاد اؤ پيوستون د اسلامي امت د ستونزو د حل لاره ګڼي.د هغه وېنا وه چې د افغانستان وضعیت له اسلامي نړۍ او نړیوالې ټولنې څخه د سمدستي اقدام غوښتنه كوي او زیاته یې کړه چې د ساړه په موسم كښې په افغانستان كښې انساني الميه رامخې ته كېدې شي۔ حافظ محمد طاهر محمود اشرفي ووئیل چې د سعودي عربستان لخوا د او آئي سي د بهرنیو چارو د وزیرانو د ځانګړې غونډې د رابللو پرېکړه د وزیر اعظم عمران خان او د سعودي عربستان د ولی عهد محمد بن سلمان تر منځ د دوه اړخیز مشاورت نتيجه ده۔ پاكستان د دې غونډې د كوربتوب سره سره د دې د هركلي كولو اعلان كوي۔ هغه ووئیل د پاکستان ټول ذمه وار چارواكي د افغانستان وضعیت پياوړتيا له خپل رول لوبوي، د افغانستان سوله د پاکستان سوله ګڼي، د پاکستان د پوځي او سیاسي مشرتابه دریځ روښانه دې چې نړۍ بايد د افغان عبوري حكومت د لارې د خبرو عمل ته ورسي٬ په دې حساس پړاو کښې بايد افغانستان یوازې پاتې نه كړې شي۔ هغه ووئيل د او آئی سی د بهرنيو چارو وزيرانو خصوصي غونډې رابللو په لړ كښې د پاكستان خارجه وزارت د خارجه وزير شاه محمود قرېشي په مشرۍ كښی د ګردې اسلامي نړۍ ذمه وارو سره رابطه كښې دې۔ نړۍ او اسلامي نړۍ د افغانستان په وضعيت د پاكستان د مثبت كردار اعتراف كوي۔ حافظ محمد طاهر محمود اشرفي ووئيل د مسلمانانو او فلسطين د مقدساتو حوالې سره د اسرائيلو د ځينو مسؤولو مشرانو غير ذمه واره چلند د غندنې او افسوس وړ دې، پاکستان او پاکستانې اولس خپلو فلسطيني وروڼو سره دي او د يو آزاد فلسطيني رياست جوړېدل چې پلازمينه ئې القدس الشريف وي د اسلامي نړۍ متفقه پریکړه ده.هغه ووئیل د اسرائیلو ظالمانه اقدامات د سیمې امن خطر سره مخ کوی۔ هغه ووئیل د فلسطین د مسئلې په اړه په اوسنیو حالاتو کښې د سعودی عربستان دریځ د اسلامی امت د خولې خبره ده۔
پاکستان به د اسلامي نړۍ د ستونزو په هواري کښې خپل رول ته دوام ورکوي، د افغان مسئلې په اړه د او آی سي د بهرنیو چارو وزیرانو د ځانګړې غونډې هرکلی کوؤ. حافظ محمد طاهر محمود اشرفي
مضمون کا ماخذ : خون چوسنے والے II
متعلقہ مضامین
