اسلام آباد 29 مارچ (اے پي پي) پاكستان او سعودي په ټولو څانګو كښې د دوه اړخيزه مرستې په زياتولو او په شريك كار اتفاق كولو سره د دوه اړخيزه اړيكو لا مستحكم كولو د عزم څرګندونه كړې. د وزيراعظم د مېډيا دفتر لخوا جاري شوي بيان له مخې د ګل په ورځ وزيراعظم عمران خان ته د سعودي ولي عهد، نائب وزيراعظم او د دفاع وزير محمد بن سلمان ټيليفون وكړو. ولي عهد شاهزاده د وزيراعظم د روغتيا پوښتنه وكړه او د هغه زر روغتيا لپاره ئې دعا وكړه. وزيراعظم د ولي عهد د روغتيا پوښتنه هم وكړه. ده په دې وروستيو كښې يو سرجيكل پروسيجر كړے و. وزيراعظم د ولي عهد شهزاده لخوا د ګرين سعودي اقدام او د ګرين مېنځني ختيځ د اقدام ستائنه وكړه. ده د پاكستان د 10 بلين ټري سونامي په اقدام هم رڼا واچوله كوم چې په ټول هېواد كښې روان دے. وزيراعظم د دواړو هېوادونو د ماحولياتو اقداماتو يووالي په ډاګه كولو سره په دې څانګه كښې د دوه اړخيزه مرستې او د علم په اشتراك كښې د اضافې هيله څرګنده كړه. وزيراعظم باچا سلمان بن عبدالعزيز لپاره د نېكو هيلو څرګندونه هم وكړه. وزيراعظم سعودي سره د پاكستان د باور او ورورولې د اړيكو لا مستحكم كولو خواهش څرګند كړو او د سعودي خپلواكۍ او د سيمه ايزې سلامتيا تحفظ لپاره ئې د پاكستان د ملاتړ پخلې هم وكړو. وزيراعظم او ولي عهد په ټولو څانګو كښې د اړيكو ودې لپاره په ګډه په كار كولو اتفاق وكړو. د سعودي ولي عهد وزيراعظم ته زر د سعودي د دورې كولو بلنه هم وركړه كومه چې وزيراعظم قبوله كړه. دواړو مشرانو د پاكستان او سعودي ترمېنځه د اړيكو قوي كولو د عزم څرګندونه وكړه.
وزيراعظم عمران خان ته د سعودي ولي عهد، نائب وزيراعظم او د دفاع وزير محمد بن سلمان ټيليفون وكړو
مضمون کا ماخذ : لوٹیریا سانتا کیٹرینا
متعلقہ مضامین
