اسلام آباد 14 جولائي (اے پي پي) وزيراعظم محمد شهباز شريف وئيلي دي د اېن ډي اېم اے او پي ډي اېم اے چارواكو د مشتركه سروے نه پس به د بارانونو او سېلاب په مهال د حق رسېدليو كورنيو ته وفاقي حكومت لس لكه روپۍ سړي سر معاوضه وركوي، د زيانونو جاج اخستو او سېلاب ځپليو سره د يووالي څرګندونې لپاره به ډېر زر د بلوچستان دوره كوم۔ د زيارت په ورځ د وزيراعظم آفس ميډيا ونګ لخوا د جاري بيان له مخې د وزيراعظم محمد شهباز شريف په مشرۍ كښې خېبرپښتونخوا او بلوچستان كښې د سېلاب صورتحال پحقله د لوړې كچې غونډه شوې۔ وزيراعظم په دې مهال وئيلې دي د اېن ډي اېم اے د نګران چيئرمېن په توګه به كوئټه ته ځم او د سېلاب ځپليو مرستې او بحالۍ لپاره به صوبائي حكومت سره په ګډه كار كوٶ۔ ده ووئيل د وفاقي او صوبائي واكمنو ترمېنځه دامع هڅو ته اړتيا ده٬ د خوشامدګيرۍ هېڅ ګنجائش نشته٬ ده ووئېل اداره دې بلوچستان او د خېبرپښتونخوا په سېلاب ځپلو سيمو كښې خپله موجودګي زياته كړي۔ ده ووئيل د لوي څښتن شكر دے چې ټولې آبي ذخيرې محفوظې دي او په صوتحال 24 ساعته نظر ساتلے كېږي۔ وزيراعظم په دې مهال امر وكړو چې په راتلونكو ورځو كښې د پشكال د نورو بارانونو له مخئ دې وفاقي او صوبائي ټولې ادارې چمتو پاتې شي۔ وزيراعظم ووئيل د طوفاني بارانونو او سېلاب په نتيجه كښې په قېمتي ځاني زيان ټول قام غمژن دے، مونږ د غم په دې ګهړۍ كښې غمژنو كورنيو سره ولاړ يوو ۔ ده ووئيل د بلوچستان او خېبرپښتونخوا واكمنو تر اوسه ښه كار كړے خو نلا كار كولو ته اړتيا ده٬ وفاقي حكومت به د دوي هر ډول ممكنه مرسته كوي
د وزيراعظم محمد شهباز شريف په مشرۍ كښې خېبرپښتونخوا او بلوچستان كښې د سېلاب صورتحال په اړه غونډه
مضمون کا ماخذ : مردہ یا زندہ II
متعلقہ مضامین
