اسلام آباد۔28اکتوبر(اے پی پی) سپیکر قو??ی اسمبلی سردار ایاز صادق امن دے قیام تے انصاف ݙیوݨ سانڳے سیاست داناں دےکردار کوں اہم قرار ݙیندے آکھیے انصاف دے ݙوڑے معیار توں امن قائم نی تھی سڳدا ،فلسطی?? تے کشمیر دی صورتحال تشویشناک اے ،جھیڑے دی بنیادی وجوہات کوں حل کرݨ ضروری اے ،عالمی سطح تے انصاف ھکو سواں ݙیوݨ یقینی بݨاوݨا ہوسی َ او پارلیمنٹرین فار گلوبل ایکشن دے 45 ویں سالانہ فورم اتے پارلیمنٹرینز دی مشاورتی اسمبلی دے 13 ویں اجلاس دی افتتاحی تقریب توں خطاب کریندے پئے ہن ۔سپیکر قو??ی اسمبلی سردار ایاز صادق پاکستان آوݨ تے معزز مہماناں دا خیر مقدم کریندے آکھیے 39 ملکاں دی شرکت عال??ی امن و انصاف دے ودھارے سانڳے ساݙی کوششاں دا ثبوت اے ، امید اے ݙو ݙینھ وار کانفرنس اچ عالمی چیلنجزتے ڳالھ مہاڑ تھیسی ، پاݨی دے مسئلیں سودھے ٻہوں سارے عوامی مسئلے ہن جنہاں کوں حل کرݨ دی لوڑھ اے تساں کہیں وی ملک یا خطے توں ہو ،انھاں سارے مسئلیں تے چیلنج دا سامݨا کریندو ساݙی ذمہ واری اے جو اساں شہریاں دے بنیادی انسانی حقوق دے تحفظ سانڳے آپݨا کردار نبھاؤں، ماحولیاتی تبدیلیاں ملک سانڳے وݙا چیلنج ہن،سینیٹر شیریں ر??مان دا ماحولیاتی تبدیلیاں دے منفی اثرات توں بچاوݨ ، گزریل سال چھل اچ عالمی برادری دی توجہ حاصل کرݨ اچ کلیدی کردار رہیا ، شیریں ر??مان نہ صرف پاکستان بلکہ ماحولیاتی تبدیلیاں دے منفی اثرات توں بچݨ دیاں کوششاں اچ عملی حصہ گھنݨ تے عالمی چیمپئن ہن۔ بدقسمتی نال دنیا ایں ویلھے جھیڑیں دا شکار اے،فلسطین دی صورتحال تشویشناک اے ،فلسطین اچ بے گناہ شہریاں ک??ں نشانہ بݨایا ویندا پئے ۔بھارت دا جموں و کشمیر دا غاصبانہ قبضہ عالمی قوانین دی کھلی خلاف ورزی اے،گزریل 77 سالاں اچ بھارت دے غیر قانونی زیر تسلط جموں و کشمیراچ 100,000 توں ودھ کشمیریاں کوں شہید کیتا ڳئے جھیڑے دی بنیادی وجہ کوں حل کرݨ ضروری اے ام?? تے انصاف قائم کرݨ سانڳے سیاست داناں دا کردار اہم اے۔سپیکر قو??ی اسمبلی آکھیے انصاف دے ݙوڑے معیارنال امن قائم نی تھی سڳدا ،عال??ی انصاف ھکو سواں ݙیوݨ یقینی بݨاوݨا ہوسی ، پاکستان عال??ی امن سانڳے بے مثال قربانیاں ݙتن،انصاف تے احتساب دے اصولاں تے کار بند اے۔ انھاں کانفرنس کامیاب کانفرنس کراوݨ تے صدر پی جی اے/رکن قو??ی اسمبلی سید نوید قمر،میڈیا ،قو??ی اسمبلی سیکرٹریٹ اتے پی آئی پی ایس کوں وی مبارخ ݙتی ۔ سیکرٹری جنرل، پارلیمنٹرینز فار گلوبل ایکشن (پی جی اے)، مونیکا ایڈم سارے مندوبین دا پرتپاک خیر مقدم کیتا تے قو??ی اسمبلی سیکرٹریٹ کوں انھاں دے شاندار انتظامات اتے گرمجوشی نال مہمان نوازی دی تعریف کیتی ۔ انھاں قو??ی اسمبلی دے سپیکر، پی جی اے دے صدر سید نوید قمر، چیئرپرسن پی جی اے نیشنل چیپٹر شیریں رحمان، اتے ارکان پارلیمنٹ تے فورم اچ شریک مندوبین دی حمایت دی تعریف کیتی
