اسلام آباد۔26 اکتوبر(اے پی پی) خارجه وزير شاه محمود قرېشي د سپكاوي خاكو په اړه وئيلي ديملګري ملتونه دې په سمدستي توګه د اسلام په ضد د نفرت پېدا كونكې بيانيې نوټس واخلي او كوټلي ګامونه دې پورته كړي۔ مونږ نن د ګل په ورځ پاكستان كښې د فرانس سفير خارجه دفتر ته رابللے او ورته احتجاج رېكارډ كړے كېږي ۔ د ګل په ورځ خپل بيان كښی خارجه وزير ووئيل د دې خاكو له امله ټوله نړۍ غم او خشم سره مخ ده۔ د فرانس صدر په دې اړه غېر ذمه واره بيان د دې پېښې شدت لا زيات كړے۔ هغه ووئيل څوك دا حق نه لري چې په آزادۍ اظهار سره د ګردې نړۍ د مسلمانانو زړه آزار كړي۔ خارجه وزير ووئيل دا كومه اولنۍ پېښه نه ده بلكې څه موده وړاندې چارلی هیبډو هم د سپكاوي خاكې خپرې كړې وې په كومو چې پاكستان ډېر احتجاج كړے ؤ او په سختو ټكو ئې د هغې غندنه كړې وه۔ كله كله د قرآن د سوزولو پېښې هم رامخې ته كېږي۔ خارجه وزير ووئيل وزيراعظم د روان كال په مهال د ملګرو ملتونو عمومي اسمبلۍ غونډې ته خطاب كښې د اسلامو فوبيا په ضد غږ پورته كړے۔ خارجه وزير ووئيل تاسو ته معلومه ده چې وزيراعظم عمران خان د فېس بك مؤسس مارك زكربرګ نه هم غوښتنه كړې ده چې د اسلام په ضد د سپكاوي مواد خپرېدو مخنيوي وكړي لكه څنګه چې ئې په هولوكاسټ د اډانه موادو خپرېدل بند كړي۔ هغه ووئيل د او آئي سي خارجه وزيرانو په راروانه غونډه كښی به د وزيراعظم په سپارښتنه په دې حواله يو بشپړه قرارداد وړاندې كوم په كوم كښې به چې د مارچ 15 مې نېټه د اسلاموفوبيا په ضد د نړيوالې ورځې په توګه د لمانځلو وړاندېز وركړم۔ هغه ووئيل ملګري ملتونه بايد په سمدستي توګه د اسلام په ضد د كركې رامخې ته كوؤنكې بيانيې نوټس واخلي او كوټلي ګامونه پورته كړي۔ هغه ووئيل نن جې كوم تخم كرلے شي نتيجې به ئې ډېرې سختې وي او دې سره به د تشدد رويې لا زياتې شي۔ دې سره به ڼرواله ټولنه كښې لا تفرقې رامخې ته شي
ملګري ملتونه دې په سمدستي توګه د اسلام په ضد د نفرت پېدا كونكې بيانيې نوټس واخلي۔ شاه محمود قرېشي
مضمون کا ماخذ : آن لائن اسکریچ کارڈز
متعلقہ مضامین
.jpg)
